Moçambique

Moçambique
Parque da Gorongosa

Douro

Douro
An cama de mofo

quinta-feira, 30 de março de 2017

Porquei?


Porquei anteimo an percurar
Aquilho que sei perdido
Porquei anteimo an lhembrar
Aquilho qu´habie d´haber çquecido

Sento-me an pie de l camino
Arrimada a nada quaije
Nesta busca an zaspero
Que nien you própia sei se quiero
Sien trabon i sien paraige

Percuro ne l fondo de mi
Nua dega sien ferruolhos
Quiero siempre algo i nien sei
Se l que quiero nun le tenerei
Mesmo delantre de ls mius uolhos

Ye siempre ua mistura de falta
Cun l´ancansable percura
Ye siempre alegrie i delor
Ye amor i zamor
Ye bintura i zbintura

Mas se un die
Passares a la mie puorta
I me bires
Sien esta mie anquietaçon
Toma-me l pulso i l coraçon
Porque a la cierta

Starei  muorta 

1 comentário:

Teresa Almeida disse...

Este ye daqueilhes que quédan a morar an nós.

Beisicos, miguita.

Enviar um comentário