Moçambique

Moçambique
Parque da Gorongosa

Douro

Douro
An cama de mofo

sexta-feira, 27 de agosto de 2010

L brabo colhi

Ls pies na ourbalheira
Las manos na silbeira
L cuorpo colgado
De l cielo anubrado

Ne l cerrado adonde antiempos
You era bueira
A la selombra de ls freixos
Colhi ourtelana de ribeira

Que termo tan guapo
Que hoije corri
Cun miu cuorpo brabio
I brabo colhi

Colhi poeijos i ouriegano
Cun fuortes oulores
Colhi moras i brunhos
Para fazer licores

Bendita natureza
Que tanto me deste
Abençoada manhana
Que me refresqueste

Sem comentários:

Enviar um comentário

Arquivo do blogue