Solta l beiso

Guardas ne ls lábios l beiso nun dado
Daqueilha primabera quelor d'açucena
Perfume de jasmin an ti guardado
Resquício eiterno de la tua pena.

Lhiberta-lo de ls lábios, nun l catibes
I de tan libre, el será biento
Mando-lo culas palabras que nun dizes
Apertadas an grande sofrimiento.

Lharga-lo! Solo se cumprirá se fur lhiberto
Ne ls lábios antreabiertos a la sue spera
Pacientes, morando a cielo abierto
An deseios secretos de sou zaspero.

Adoça-lo cun miel, doce colheita
Oubreira ancansable an puolo de flor
Bibe nuite i die de lhabuitas feita
Guardadas ne l tiempo an fabos d'amor.

Solta l beiso, nada t'amedronte
I assi lhiberto, el siga sou camino
De l'amor i outra boca ancontre
Para juntos pudéren seguir l çtino.