Tie Purdência ie mi resungona i diç que el só tenie halbelidade para fazer rapazicos, mas nun ie berdade. El ie mi bun home i deixa-la falar i apuis fica no que l parece, cume quien diç, fai l que quier i nun l bira troco para nun s´anreibar. Ie um home que ie amigo de sou amigo, cume dizan, capaç de tirar la camisa i de la dar.
Apuis el nun goza saúde i se nun come a menudo doe l ´al stomado. Eilha diç que quien nun ie para quemer tamien nun ie para trabalhar, mas el anté ie un home que l pega a todo.
Siempre fui mui amigo de ls nietos anton de ls dous de la filha mais bielha, nien se fala. Lhougo de pequeinhos iban cun el pa la ribeira i para todo l lhado. Ie um home mi rapazeiro.
Tie Purdência ie mi anresinada i apuis tiu Felismiano ie que ten que l aturar. Ie cierto que l fizo muites filhos mas eilha tamien ajudou, als ninos tenan que ser feitos por dous, ie ou num ie? A l que se passa ie que el era um home de sangre caliente e quando iban por ende a fuora dába l uns rebolcos nua touça i apuis era todo a búltio. Num cunhecien nada para puderan fazer l negócio i nun ls tener!... Cume eilhes dizan agora, “naquel tiempo nun sabiemos nada i benien todos ls que Dius mandaba”. “Yá bai por agora que saban todo, fartan-se de cousar i nun ls tenan”!...
Tenie um armano que quande la bie de renuobas i cume se dezie eiqui muito, “iá tornou a tornar,” dezie : “ la mie Purdência iá tornou a ir a las folharascas.”
Sabe Dius la fome cun que eilhes andarien, come dezie el a las beçes para se rir i tie Purdência anbergonhada i ancolhida respundie l, “para quie que sarás tan chosco”i rie-se tamien!
Até hai un dito dezideiro i quando se querien arreferir cume han de fazer para las ties nun amprenharan. "Antón perguntai l a tiu Felismiano..."
Apuis el nun goza saúde i se nun come a menudo doe l ´al stomado. Eilha diç que quien nun ie para quemer tamien nun ie para trabalhar, mas el anté ie un home que l pega a todo.
Siempre fui mui amigo de ls nietos anton de ls dous de la filha mais bielha, nien se fala. Lhougo de pequeinhos iban cun el pa la ribeira i para todo l lhado. Ie um home mi rapazeiro.
Tie Purdência ie mi anresinada i apuis tiu Felismiano ie que ten que l aturar. Ie cierto que l fizo muites filhos mas eilha tamien ajudou, als ninos tenan que ser feitos por dous, ie ou num ie? A l que se passa ie que el era um home de sangre caliente e quando iban por ende a fuora dába l uns rebolcos nua touça i apuis era todo a búltio. Num cunhecien nada para puderan fazer l negócio i nun ls tener!... Cume eilhes dizan agora, “naquel tiempo nun sabiemos nada i benien todos ls que Dius mandaba”. “Yá bai por agora que saban todo, fartan-se de cousar i nun ls tenan”!...
Tenie um armano que quande la bie de renuobas i cume se dezie eiqui muito, “iá tornou a tornar,” dezie : “ la mie Purdência iá tornou a ir a las folharascas.”
Sabe Dius la fome cun que eilhes andarien, come dezie el a las beçes para se rir i tie Purdência anbergonhada i ancolhida respundie l, “para quie que sarás tan chosco”i rie-se tamien!
Até hai un dito dezideiro i quando se querien arreferir cume han de fazer para las ties nun amprenharan. "Antón perguntai l a tiu Felismiano..."
Sem comentários:
Enviar um comentário